همسة حب ولمسة حنان

مرحبا بكم ..........منكم واليكم .........نستمر معكم دائما
 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 تخيل انك رئيس دولة....ادخل انت حتدفع حاجه من جيبك

اذهب الى الأسفل 
كاتب الموضوعرسالة
DECOOO0
مجموعة الخبراء
مجموعة الخبراء
avatar

ذكر
عدد الرسائل : 490
العمر : 32
تاريخ التسجيل : 04/05/2007

مُساهمةموضوع: تخيل انك رئيس دولة....ادخل انت حتدفع حاجه من جيبك   السبت مايو 05, 2007 12:58 am

تعالى نتخيّل
يا عم انت حتدفع حاجة من جيبك ؟
الحلم ده على حسابي
غمض عينيك شوية واحلم انك بقيت رئيس البلاد
متقولش ازاي؟.. مش مهم
زورت الانتخابات.. او قلت للناس انتخبوني احسن ارمي نفسي من فوق البرج فصعبت عليهم قاموا انتخبوك.. او يكون لك واحد صاحبك امريكاوي بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمي الجديد لنج.. ومش من اللي بيصلوا الفجر جماعة.. فوافق بوش انك تقعد على... الكرسي
المهم انك بقيت دلوقتي رئيس البلاد
*********
مين قدك يا عم؟
حتاكل طعمية مقلية بزيت فرنساوي وربنا ح يتوب عليك من طعمية ابو هويدا المقليّة بزيت العربيات
وحتتعالج من انيميا الفول.. الفول الجديد بقه يا عم من غير سوس
وابقي قابلني لو لقيت اي مسمار في العيش.. حتاكل عيش من ابو الرغيف بربع جنيه.. سخن وطازة وطري.. تخيل.. طري مش زي العيش اللي انت كنت بتاكله وانت بتشرب كوباية ميه ورا كل لقمة علشان تنزل
لا لا.. العيش ابو شلن ده اللي انت كنت بتجيبه من الفرن وعقبال متوصل بيه البيت يسلجم ويقفع ويعرقص.. وتعاقب عليه دولياً لأنه اصبح من اسلحة الدمار الشامل.. لا انسى الكلام ده
الاوضاع حتتغير خالص ياعم.. دا انت ربنا حيكرمك خالص والله العظيم
طب بص دي.. حتاكل لحمة.. متبرّقش أوي كده.. مش عارف يعني ايه لحمة؟
( همّ حيقولولك )
وبعدين انت مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كده من السودان واثيوبيا
آه فاكر ؟
أهي هي دي اللحمة
لا لا مش اللي انت كنت بتاكلها في العيد ، بتاعت العيد دي اسمها كرشة.. متفضحناش بقه الله يسترك
*********
وحيبقى فيه كنكاكي.. متسألش.. دي فراخ.. يعني حتودع عم لطفي الفرارجي اللي كان بيعين لك رجلين الفراخ وانت كنت بتقول له عشان الكلب.. وكان ساعات يفوّتلك حتتين قنصة على حتتين كبدة من بتوع الزباين اللي بيستحموا بصابون اجنبي
وحتشرب السيجارة كلها مرة واحدة.. يعني مفيش تخميس
وبعدين دي سجاير ستراكي سترايك من بتاعت الست ماري منيب.. جو تاني
بس لما يخدوك علشان تحلف اليمين
ياعم دا غير يمين الطلاق اللي انت مصدره في كل حدوتة تحكيها
اصحي معايا الله ينجيك
لما تروح تحلف اليمين اوعى تروح بالبدلة بتاعت جوازك.. انت عارف.. دي بقت مكيفة الهواء من كل ناحية.. العربي جوز ام بطة عنده بدلة اخوه باعتهاله من بلاد بره ابقى استلفها منه وإقضي مصلحتك وبعدين رجعهاله.. ماهي الجيران لبعضها امال ايه
وحياتك كمان يا شيخ متروح بالجزمة بتاعتك.. عشان خاطري ابقى اشتريلك جوز جزمة من بيع المصنوعات دي رخيصة هناك.. لأن الحدوة اللي انت مركّبها في كعب الجزمة بتعمل صوت قلق برضه.. وبعدين ممكن الجهاز يصفر عليك تبقى حكاية.. فاهم ؟
اول يوم بس وبعدين همّا بعد كده حيتصرّفولك في جوزين جزم مستوردين عشان تقابل بيهم اصحابك بتوع الدول التانية
*********
وحتنام على سرير عليه مراتب.. المراتب دي بقه جواها قطن
ايوة قطن.. والله العظيم قطن.. ايوه تمام زي القطن اللي انت جبته من الاجزخانة للوله حودة ابنك لما الواد شحته ابن ام بيسة لزقه بالطوبة في نافوخه فتحهاله
وجريت بيه على المستشفى قالولك هات لنا قطن وشاش وميكروكروم وصبغة يود وبلاستر وسرنجة وحقنة تيتانوس وكيس دم واقطع تذكرة بخمسة جنيه من شباك العلاج المجاني
ايوه هو ده القطن.. فهمت ؟
حتحلم احلام نضيفة على السرير دا يا عم الحاج
افرد طولك.. متخافش رجليك مش حتطلع برة الاوضة.. انت مش في بيتكم دلوقتي.. افرد افرد
غمّض عينيك كده
غمّض
*********
ايه؟.. انت نمت ؟
اصحى يا عم.. اصحى.. الباب بيخبط
الحق.. موظفين الكهربا على الباب
الحق دول جايين يشيلوا العداد علشان بقالك 3 شهور مدفعتش الفاتورة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sheri
عضو خاص
عضو خاص
avatar

انثى
عدد الرسائل : 102
العمر : 36
تاريخ التسجيل : 05/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   السبت مايو 05, 2007 9:19 am

أخس عليك ياديكو صحتنى من الحلم ليه حرام عليك
ده انا لسة يادوب كنت بفرد ع السرير القطن Very Happy
والله ياديكو حسرتنا على حالنا
ناس ليهم باكينام وناس ليهم عيش بمسامير
والله ربنا هاياخد لنا حقنا أكيد
بس لازم الأول نكون احنا عايزين حقنا ده مش مستغنيين عنه
مش ناس عندنا كل حاجة
ناس مش عندها اى حاجة
وبس بقى احسن اكتر من كده المنتدى هايتقفل
وربنا يسترها علينا


عدل سابقا من قبل في الجمعة مايو 11, 2007 11:00 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الدلوعة
عضو نشيط
عضو نشيط


عدد الرسائل : 91
تاريخ التسجيل : 07/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   الخميس مايو 10, 2007 10:41 pm

هههههههههههههههههههههههههههههههههههههههههه
جميل انك تبقى رئيس جمهوريه يا ديكو بس دلوقتي النور اتقطع اعمل ايه انا الحلم كلفني كتيييييييير والله
شكرا يا ديكو يا جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DECOOO0
مجموعة الخبراء
مجموعة الخبراء
avatar

ذكر
عدد الرسائل : 490
العمر : 32
تاريخ التسجيل : 04/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   الجمعة مايو 11, 2007 6:48 pm

العفو على ايه هو انا دافع حاجه من جيبى و بعدين لما النور يقطع انتى يعنى مش هتعرفى تكملى الحلم ولا ايه و لو كده ابقى ولعى شمعه يا دلوعه و عموما الحلم موجود لما النور يبقى يجى ابقى كمليه يا ستى بس ما تخلصيهوش علشان غيرك لسه ما حلمش

_________________
المخلص للابد >>>>>>>>DECOOO0



جيت أضحك
لقيت الضحك يستاهل جلوسك
جيت أبكي
لقيت الدمع ماتمسحة إلا كفوفك
جيت أسكت
لقيت سكوتي يحلى بسماع صوتك
جيت أحكي
لقيت الحكي يحلى وعيني تشوفك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kareem
Admin.com
Admin.com
avatar

ذكر
عدد الرسائل : 503
العمر : 35
تاريخ التسجيل : 04/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   الجمعة يونيو 01, 2007 10:32 pm

انالو كنت رئيس دوله او تخيلت مثلا انى رئيس دوله اول حاجة هعملها افكر فى تنمية ومساعدة الشباب والفتيات لان بصراحة الشباب والبنات مطلومين فى الدولة بتعتنا دى ومعظم الناس برضوا بس الشباب والبنات بيدخلووو كليات وفى الاخر كل واحد او وحدة بتقعد جمب ماما بتقشر بصل ولو فى حاجة تانى غير البصل كنا قشرناها انا شخصيا افضل تقشير البطاطس

ههههههههههههههههههههههههههههههههههههههههههههههههههههه

مشكور جدا يا خالد على الحلم الجميل دة كان نفسى اساعد الناس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Janja
كبير الأعضاء
كبير الأعضاء


انثى
عدد الرسائل : 274
العمر : 28
تاريخ التسجيل : 28/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   الجمعة يونيو 01, 2007 10:45 pm

انا لو بقيت رئيسة دولة ممكن اعمل حاجة واحدة بس

انى اعمل كل الامتحانات " وخصوصا الثانوية العامة " سهلة وكل الناس تقدر تحلها

واخلى كل واحد وواحدة يدخل الكلية اللى يتمناها

ماهو اكيد طبعا مش كل الناس عايزة طب او هندسة

وده كان حلمى اللى حضرتك يا ديكو فوقتنى منه قبل ما اكمله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.msn.com
DECOOO0
مجموعة الخبراء
مجموعة الخبراء
avatar

ذكر
عدد الرسائل : 490
العمر : 32
تاريخ التسجيل : 04/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   الأحد يونيو 03, 2007 1:41 pm

اى خدمه لحسن تفتكرى نفسك انك رايسه دوله بجد و بعدين نتفاجا بحجات غريبه بتعمليها فى البلد و انا الصراحه كنت خايف و انا بحط الموضوع لحسن الاقى حد يقولى انه بيفكر يقلب نظام الدوله لكن الحمد لله انى فوقتكم سريعا سريعا قبل ما يتخرب بيتنا و القى نفسى تانى يوم فى امن الدوله بسبب الخيانه العظمى.............
و صحيح يا جماعه انا نفسى نعملها بجد ايه رايكم نقلب نظام دوتنا على مزاجنا و نعيش بيه فى المنتدى هنا و انا منتظر الصراحه افتكاستكم فى النظام الجديد و ان شاء الله هنبقى نحدد الدستور بتاعنا مع بعض على القريب بس لما اكون اللجنه التشريعيه الاول و ان شاء الله نقوم بشن حرب قويه على النظام بتاع رايسنا اطال الله عمره ( و بلاش احنا ) و نعدل مصر يا عالم مش يمكن تتعدل على ايدينا

و ما تنسوش انا منتظر افتكاستكم فى النظام الجديد و ربنا معانا يا جماعه

lol! lol! lol!

المخلص >>>>>>>>>>>>>DECOOO0 afro farao afro

_________________
المخلص للابد >>>>>>>>DECOOO0



جيت أضحك
لقيت الضحك يستاهل جلوسك
جيت أبكي
لقيت الدمع ماتمسحة إلا كفوفك
جيت أسكت
لقيت سكوتي يحلى بسماع صوتك
جيت أحكي
لقيت الحكي يحلى وعيني تشوفك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
can_yama_can
عضو ذهبي
عضو ذهبي


ذكر
عدد الرسائل : 139
تاريخ التسجيل : 30/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   الإثنين يونيو 04, 2007 6:19 pm

انا مش عاوز اتخيل انى رئيس دلوه لانى لو تخيلت كدة معرفش سعتها هعمل اية ممكن اعمل حاجات كتير مفيدة واعمل حاجات اكتر غير مفيدة

وانا بشكرك يا خالد على الموضوع وسيبك من التخيلات وخلينا فى الواقع

وبعدين انا كل احلامى بتكون مزعجة عمرى ما حلمت انى غنى ولا حتى رئيس دوله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DECOOO0
مجموعة الخبراء
مجموعة الخبراء
avatar

ذكر
عدد الرسائل : 490
العمر : 32
تاريخ التسجيل : 04/05/2007

مُساهمةموضوع: رد: تخيل انك رئيس دولة....ادخل انت حتدفع حاجه من جيبك   السبت يونيو 16, 2007 11:48 am

ليه يا سيدى عموما ولا يهمك ومش هتفرق انك تحلم معانا لو تقوم انت بدور اللى بيصحينا من كل حلم يكون كويس و مش وحش و الله
و صحيح فين افتكساتكم فى الدوله بتاعتنا دى انا عايز اشوف دوله بجد هنا يا جماعه
الله انا منتظر على احر من الجمر
يلا بقى منتظرين ايه
و الصراحه انا عايز اشوف افتكسات كريم و محمد و ايمى و شيرى و الدوعه و كل الاعضاء هنا معانا يلا
و انا فى انتظاركم

_________________
المخلص للابد >>>>>>>>DECOOO0



جيت أضحك
لقيت الضحك يستاهل جلوسك
جيت أبكي
لقيت الدمع ماتمسحة إلا كفوفك
جيت أسكت
لقيت سكوتي يحلى بسماع صوتك
جيت أحكي
لقيت الحكي يحلى وعيني تشوفك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تخيل انك رئيس دولة....ادخل انت حتدفع حاجه من جيبك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
همسة حب ولمسة حنان :: شباب و بنات-
انتقل الى: